ശ്രീലങ്കയുമായുള്ള മൂന്ന് മത്സരങ്ങളങ്ങിയ പരമ്പര ഡിസംബർ അവസാനത്തിലാണ് നടക്കുന്നത്. ഡിസംബർ 26 , 28 , 30 എന്നീ തിയ്യതികളിലാണ് മത്സരങ്ങൾ. മൂന്ന് മത്സരവും ഗ്രീൻഫീൽഡിൽ തന്നെയാണ് നടക്കുക.
നേരത്തെ ബംഗ്ലാദേശുമായുള്ള പരമ്പരയാണ് തീരുമാനിച്ചതെങ്കിലും ഷെയ്ഖ് ഹസീനയുമായി ബന്ധപ്പെട്ട രാഷ്ട്രീയ കാരണങ്ങളാൽ ഒഴിവാക്കുകയായിരുന്നു. ഈ ഒഴിവിലേക്കാണ് ശ്രീലങ്കയെ പരിഗണിച്ചതും തിരുവന്തപുരത്തിന് വേദിയാകാൻ നറുക്ക് വീണതും.
നേരത്തെ ഇന്ത്യയിൽ നടന്ന വനിതാ ഏകദിന ലോകകപ്പ് വേദിയായി ഗ്രീൻഫീൽഡ് സ്റ്റേഡിയത്തെ പരിഗണിച്ചിരുന്നുവെങ്കിലും അവസാന നിമിഷം ഒഴിവാക്കിയിരുന്നു. അന്ന് നിരാശരായ മലയാളി ക്രിക്കറ്റ് പ്രേമികൾക്ക് ഏറെ സന്തോഷം നൽകുന്നതാണ് ഈ വാർത്ത.
