ബോളിവുഡ് നടനും ശിവസേന നേതാവുമായ ഗോവിന്ദയ്ക്ക് വെടിയേറ്റു. ആകസ്മികമായ താരത്തിന്റെ കൈയിലുള്ള തോക്കില്‍ നിന്നും വെടിയേല്‍ക്കുകയായിരുന്നു. കാല്‍മുട്ടിലാണ് വെടിയേറ്റത്.യാത്രയ്ക്കായി ഒരുങ്ങുന്നതിനിടയില്‍ ഇന്ന് രാവിലെ 4.45നായിരുന്നു സംഭവം. കൊല്‍ക്കത്തിയില്‍ ഒരു പരിപാടിയില്‍ പങ്കെടുക്കാന്‍ പോകുന്നതിന് മുന്നോടിയായി തോക്ക് പരിശോധിക്കുമ്പോഴായിരുന്നു സംഭവം. തോക്ക് വൃത്തിയാക്കുന്നതിനിടയില്‍ കൈയില്‍ നിന്ന് വഴുതുക്കയും ഇതിനിടയില്‍ വെടിപൊട്ടുകയുമായിരുന്നു.
ഗോവിന്ദിന്റെ ആരോഗ്യ നിലയെ കുറിച്ച് ആശുപത്രി അധികൃതര്‍ വിവരങ്ങള്‍ പുറത്തുവിട്ടിട്ടില്ല. കുടുംബം ഇക്കാര്യത്തില്‍ വിവരങ്ങള്‍ ഔദ്യോഗികമായി അറിയിക്കുമെന്നാണ് വിവരം.90കളില്‍ ബോളിവുഡില്‍ കോമഡി കഥാപാത്രങ്ങള്‍ കൊണ്ടും നിരവധി ഡാന്‍സ് രംഗങ്ങള്‍ക്കൊണ്ടും ആരാധകരെ കയ്യിലെടുത്ത് താരം ഇക്കഴിഞ്ഞ മാര്‍ച്ചിലാണ് ഏക്‌നാഥ് ഷിന്‍ഡേ വിഭാഗം ശിവസേനയില്‍ ചേര്‍ന്നത്.
