കേരളത്തിന്റെ സ്വപ്‍ന പദ്ധതി ആയ വിഴിഞ്ഞം പദ്ധതിയുടെ നിർമ്മാണം പുരോഗമിക്കുകയാണ്.വിഴിഞ്ഞം പദ്ധതി രൂപീകരണത്തോടൊപ്പം തന്നെ നിർദേശിക്കപ്പെട്ട അടിസ്ഥാന സൗകര്യ വികസന പദ്ധതിയാണ് ബാലരാമപുരം-വിഴിഞ്ഞം-നെയ്യാറ്റിൻകര റിങ് റോഡ് വികസനം. നിലവിൽ ഉള്ള ബാലരാമപുരം-മുക്കോല-മുല്ലൂർ-കാഞ്ഞിരംകുളം -നെയ്യാറ്റിൻകര റോഡ് വികസിപ്പിക്കുക എന്നതാണ് പദ്ധതി.നെയ്യാറ്റിൻകര താലൂക്കിൽ വിഴിഞ്ഞത്തിന്റെ ഫലമായുള്ള വികസനം കൊണ്ട് വരാൻ കഴിയുന്ന പദ്ധതിയാണ് ഇത്.കരമന കളിയിക്കാവിള റോഡ് പദ്ധതി പോലെ ഈ പദ്ധതിയും സർക്കാർ തഴയുകയാണ്.
നമ്മുടെ വികസന സ്വപ്നങ്ങൾ പൂവണിയണമെങ്കിൽ ഭാരത് മാല പ്രോജെക്ടിൽ ഉൾപ്പെടുത്തിയിട്ടുള്ള ഈ പദ്ധതി എത്രയും വേഗം നടപ്പിലാക്കാൻ ജനപ്രതിനിധികൾ നിരന്തരം സർക്കാരിൽ സമ്മർദ്ദം ചെലുത്തണം.
