വിവാഹിതയായ സഹപ്രവർത്തകയുമായി സൗഹൃദത്തിലാകണമെന്നും തന്നെ വിവാഹം കഴിക്കണമെന്നും ആവശ്യപ്പെട്ട് നിഷാദ് ദീർഘനാളായി യുവതിയെ ശല്യം ചെയ്തുവരികയായിരുന്നു. എന്നാൽ യുവതി ഇതിന് വഴങ്ങാൻ തയ്യാറായില്ല. ഇതിലുള്ള വൈരാഗ്യമാണ് ആക്രമണത്തിൽ കലാശിച്ചത്. പ്രതിയുടെ നിരന്തരമായ ശല്യം സഹിക്കവയ്യാതെ വന്നതോടെയാണ് യുവതി പോലീസിനെ സമീപിച്ചത്.
സംഭവത്തെക്കുറിച്ച് യുവതി കൊല്ലം സിറ്റി പോലീസ് കമ്മീഷണർക്ക് നേരിട്ട് പരാതി നൽകുകയായിരുന്നു. കമ്മീഷണറുടെ നിർദ്ദേശാനുസരണം കൊല്ലം ഈസ്റ്റ് പോലീസ് കേസ് രജിസ്റ്റർ ചെയ്ത് പ്രതിയെ കസ്റ്റഡിയിലെടുത്തു.
മൊഴി രേഖപ്പെടുത്തിയ ശേഷം പ്രതിയുടെ അറസ്റ്റ് രേഖപ്പെടുത്തി. ഇയാൾക്കെതിരെ സ്ത്രീത്വത്തെ അപമാനിച്ചതിനും മർദനത്തിനും ഉൾപ്പെടെയുള്ള വകുപ്പുകൾ പ്രകാരം കേസെടുത്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു
